Friday, January 22, 2010

गजल

नपाकी झर्नु थियो नफलेको राम्रो
धिपिक्क निभ्नलाई नबलेको राम्रो

किन डराउनु कसैको राम्रो भन्न
बोल्दैछौ सत्य भने नगलेको राम्रो

एकपल ढिला तर राम्रो नै होस्
बिश्वासको पर्खाल नढलेको राम्रो

मेरो मेरो मात्र हुने हाम्रो नहुने
स्वार्थको यस्तो खेल नचलेको राम्रो

राम्रैको लागि हुन्छ जे हुन्छ भन्छन्
बेकारमा सम्झेर नजलेको राम्रो

1 comment:

Basanta said...

गज्जब! सटीक र सशक्त!