Saturday, October 23, 2010

गजल


आलो घाऊमा नुन चुक नछर्कन परदेशी
मिठो बचन बोल्दा मैले नझर्कन परदेशी

एकान्तमा टोलाउछु पागल हुन्छु घरी घरी
यादै याद नछोड्ने भो छाती चर्कन परदेशी

दुनियाँको चलन हो नानाभाती कुरा काट्ने
साँचो सत्य बुझ्नु पर्छ नतर्कन परदेशी

बुढा बाबा बुढी आमा काखको सानी छोरी
केही हुन्छकी अत्यास लाग्छ फर्कन परदेशी

गैराबारी सेराखेत बाझै बस्यो यसपालि नी
बिदेशको युरो डलर न-पर्खन परदेशी







Wednesday, October 13, 2010

शुभकामना!

बडादशै २०६७ को पावन अबसरमा देश बिदेशमा रहनु भएका सम्पुर्ण नेपाली जनहरुमा सुख,शान्ति,सम्ब्रिदी र सफलताको शुभकामना!