प्यारी बिहानी

अन्धकारमय रातलाई बिदाइ गर्दै

सपनिलाई यथार्थतामा स्मरण गराउदै

घामको सुनौलो किरणहरु सगै

चराहरुको सुमधुर स्वरहरु सगै

सबैलाई ब्युझाउदै

नौलो दिनको शुरुवात बोकेर आउने

तिमी बिहानी

सबैमा उमंगको आशा बाड्दै

नयाँ जोश र जागर छर्दै

स्वर्णिम संसारको कल्पनामा

प्रज्वलित दींप सल्काउदै

जब तिम्रो आगमन हुन्छ

समस्त जगत

नतमस्तक भएर तिम्रो स्वागतार्थ

ताली पिटिरहेको हुन्छ

साँच्चै भन्ने हो भने

तिमी कति महान छौ

तिमी कति निडर छौ

किनकी तिम्रो आगमनमा

सम्पुर्णमा भय र त्रासको बाताबरण

समाप्ती भएर जान्छ

तिमी त आँखा हौ जसले संसार देखाइदिन्छ

तिमी सबैको साहारा हौ, खुशि हौ

त्यसैले तिम्रो अनुपस्थितिमा

एक पल पनि कोहि रमाउन सक्दैन

तिमी निश्चल छौ तिमी पवित्र छौ

तिमी भित्र समानताको समभाब छ

न्यायका प्रतिमुर्तीहरु छ

तिमिले कसैको बिगार गर्न जानेकी छैनौ

तिमी निष्कपट छौ,निर्दोष छौ

तिमी सबैको आँखाको नानी

सबैको भरोसाको केन्द्रबिन्दु

तिमी बिहानी प्यारी बिहानी

.